தேனி விவசாயிகளுக்கு ரூ.240 கோடி பயிர் கடன்! கூட்டுறவு சங்கங்களுக்கு இலக்கு!

தேனி:

தேனி மாவட்ட விவசாயிகளின் நிதிச் சுமையை குறைத்து, உரிய காலத்தில் சாகுபடி பணிகளை மேற்கொள்ள உதவும் வகையில் கூட்டுறவு சங்கங்கள் மூலம் பயிர் கடன் வழங்கும் திட்டம் செயல்படுத்தப்பட்டு வருகிறது.

விவசாயிகள் சாகுபடிக்குத் தேவையான இடுபொருட்கள், விதைகள், உரங்கள் மற்றும் பூச்சிக்கொல்லி மருந்துகளை உரிய நேரத்தில் வாங்குவதற்கு நிதிப் பற்றாக்குறை தடையாக இருக்கக்கூடாது என்ற நோக்கில், கூட்டுறவு சங்கங்கள் வாயிலாக அரசு கடன் உதவிகளை வழங்கி வருகிறது.

இந்தத் திட்டத்தின் கீழ், ஒவ்வொரு நிதியாண்டிலும் விவசாயிகளுக்கு வழங்க வேண்டிய பயிர் கடனுக்கான இலக்கு நிர்ணயிக்கப்படுகிறது. அதன்படி, 2026-27ஆம் நிதியாண்டில் தேனி மாவட்டத்தில் கூட்டுறவு கடன் சங்கங்கள் மூலம் ரூ.240 கோடி பயிர் கடன் வழங்க இலக்கு நிர்ணயிக்கப்பட்டுள்ளது.

இதன் மூலம் தேனி மாவட்ட விவசாயிகள் சாகுபடி பணிகளுக்குத் தேவையான விதை, உரம் உள்ளிட்ட இடுபொருட்களை உரிய நேரத்தில் கொள்முதல் செய்து, பருவத்துக்கு ஏற்றவாறு விவசாயப் பணிகளை மேற்கொள்ள முடியும் என எதிர்பார்க்கப்படுகிறது.