மாநில மாணவரணி துணைச் செயலாளராக சோ.திராவிட ராசா நியமனம்.

கிருஷ்ணகிரியைச் சேர்ந்த சோ.திராவிட ராசா, விடுதலை சிறுத்தைகள் கட்சியின் மாநில மாணவரணி துணைச் செயலாளராக நியமிக்கப்பட்டுள்ளார். இதற்கான அதிகாரப்பூர்வ அறிவிப்பை கட்சியின் தலைவர் தொல். திருமாவளவன் வெளியிட்டுள்ளார்.

புதிய பொறுப்பை ஏற்றுள்ள சோ.திராவிட ராசா, கட்சியின் வளர்ச்சிப் பணிகளில் தொடர்ந்து ஈடுபட்டு வருவதுடன், மாணவரணி அமைப்பு பணிகளை மேலும் வலுப்படுத்தும் வகையில் செயல்படுவார் என கட்சி நிர்வாகிகள் தெரிவித்துள்ளனர்.

மேலும், விடுதலை சிறுத்தைகள் கட்சியின் கொள்கைகள் மற்றும் செயல்பாடுகளை மாணவர்கள் மற்றும் பொதுமக்களிடம் கொண்டு சேர்க்கும் பணிகளில் தீவிரமாக ஈடுபடுவார் எனவும் கட்சி நிர்வாகிகள் நம்பிக்கை தெரிவித்துள்ளனர்.

இந்த நியமனத்தைத் தொடர்ந்து கட்சி நிர்வாகிகள், தொண்டர்கள் மற்றும் ஆதரவாளர்கள் சோ.திராவிட ராசாவுக்கு நேரிலும், தொலைபேசி வாயிலாகவும், சமூக வலைதளங்கள் மூலமும் வாழ்த்துகளைத் தெரிவித்து வருகின்றனர்.

இதுகுறித்து சோ.திராவிட ராசா கூறுகையில், கட்சித் தலைமை தனக்கு வழங்கியுள்ள பொறுப்பை முழுமையாக நிறைவேற்றுவதுடன், மாணவரணி பணிகளை சிறப்பாக மேற்கொண்டு கட்சியின் அமைப்பு பணிகளை வலுப்படுத்த தீவிரமாக செயல்படுவேன் என தெரிவித்துள்ளார்.