தமிழக இடைத்தேர்தல் வெற்றி எதிரொலி: கேரளாவிலும் இனிப்புகள் வழங்கி தவெகவினர் கொண்டாட்டம்!

திருவனந்தபுரம்:

தமிழக இடைத்தேர்தலில் நடிகர் விஜய் தலைமையிலான தமிழக வெற்றிக் கழகம் (தவெக) பெற்ற வெற்றியைக் கொண்டாடும் நிகழ்ச்சிகள் கேரளாவிலும் நடைபெற்றன.

திருவனந்தபுரம், கொச்சி உள்ளிட்ட பகுதிகளில் தவெக நிர்வாகிகளும் விஜய் ரசிகர்களும் பொதுமக்களுக்கு இனிப்புகள் வழங்கி வெற்றியைக் கொண்டாடினர். தமிழகத் தேர்தல் முடிவுகள் வெளியானதைத் தொடர்ந்து, கேரளாவின் பல்வேறு இடங்களில் கொண்டாட்ட நிகழ்ச்சிகளுக்கு ஏற்பாடு செய்யப்பட்டன.

திருவனந்தபுரத்தில் கொண்டாட்டம்

திருவனந்தபுரத்தில் நடைபெற்ற வெற்றிக் கொண்டாட்ட நிகழ்ச்சியை டாக்டர் பிஜு ரமேஷ் தொடங்கி வைத்தார். இதில் தவெக நிர்வாகிகளும் விஜய் ரசிகர்களும் பங்கேற்று இனிப்புகள் வழங்கி மகிழ்ச்சியை வெளிப்படுத்தினர்.

பாலராமபுரத்தில் டாக்டர் சுலைமான் பஷீர் தலைமையில் நிகழ்ச்சி

பாலராமபுரத்தில் தவெக மாநில ஒருங்கிணைப்பாளர் டாக்டர் சுலைமான் பஷீர் தலைமையில் வெற்றிக் கொண்டாட்டங்கள் நடைபெற்றன. தமிழகத்தில் கிடைத்த தேர்தல் வெற்றியைத் தொடர்ந்து கேரளாவிலும் கட்சியினர் நிகழ்ச்சிகளை ஏற்பாடு செய்தது குறிப்பிடத்தக்கது.

தமிழகத்தில் தொடங்கிய தேர்தல் வெற்றிக் கொண்டாட்டம், அண்டை மாநிலமான கேரளாவிலும் தவெக நிர்வாகிகள் மற்றும் விஜய் ரசிகர்கள் மத்தியில் கவனம் பெற்றுள்ளது.

இந்த செய்தியை உங்கள் நண்பர்களுக்கு பகிரவும். இதுகுறித்து உங்கள் கருத்துகளை கமெண்ட் செய்யவும்.