பாலக்கோடு காவல் நிலையத்தில் ஆயுத பூஜை விழா கோலாகலம்!

தருமபுரி – பாலக்கோடு:

தருமபுரி மாவட்டம், பாலக்கோடு காவல் நிலையத்தில் ஆண்டுதோறும் நடைபெறும் ஆயுத பூஜை விழா இந்த ஆண்டும் உற்சாகமாகக் கொண்டாடப்பட்டது. இதையொட்டி காவல் நிலைய வளாகம் வண்ண மலர்கள், மாவிலைத் தோரணங்கள் மற்றும் வாழை மரங்களால் அலங்கரிக்கப்பட்டுப் பொலிவுடன் காட்சியளித்தது.

துணைக் காவல் கண்காணிப்பாளர் தலைமையில் விழா!

பாலக்கோடு உட்கோட்டத் துணைக் காவல் கண்காணிப்பாளர் மருத்துவர் மாலதி தலைமையில் ஆயுத பூஜை விழா நடைபெற்றது. முன்னதாக, காவல் நிலையத்தின் முன்பாக அமைந்துள்ள ஸ்ரீ பாலமுருகன் சுவாமிக்கு சிறப்பு அபிஷேகமும் ஆராதனைகளும் நடைபெற்றன.

காவல் துறை ஆயுதங்கள் மற்றும் வாகனங்களுக்குச் சிறப்புப் பூஜை!

இதனைத் தொடர்ந்து, காவல் துறையினர் பயன்படுத்தும் துப்பாக்கிகள் உள்ளிட்ட ஆயுதங்கள், கருவிகள் மற்றும் வாகனங்களுக்குப் பூஜைகள் செய்யப்பட்டு தீபாராதனை காண்பிக்கப்பட்டது.

காவலர்கள், பொதுமக்கள் பங்கேற்பு!

இந்த நிகழ்ச்சியில் காவல் ஆய்வாளர் மணிவண்ணன், காவல் நிலைய எழுத்தர் பெருமாள், உதவி ஆய்வாளர்கள் இளமதி, சந்திரன், நரசிம்மன், நடராஜன், வாகன ஓட்டுநர் சீனிவாசன் உள்ளிட்ட காவலர்கள் மற்றும் பொதுமக்கள் கலந்து கொண்டு ஆயுத பூஜையைக் கொண்டாடினர்.

விழாவின் நிறைவில், பங்கேற்ற அனைவருக்கும் பொரி, கடலை மற்றும் சுண்டல் பிரசாதங்கள் வழங்கப்பட்டன.