ஆளுநர் ராஜேந்திர ஆர்லேகருக்கு கேரள அரசு சார்பில் பிரியாவிடை விருந்து!

திருவனந்தபுரம்: ஆளுநர் ராஜேந்திர விஸ்வநாத் ஆர்லேகருக்கும் கேரள அரசுக்கும் இடையே அன்பான மற்றும் இணக்கமான உறவு நிலவி வந்ததாக முதலமைச்சர் வி.டி. சதீசன் தெரிவித்தார்.

கிராண்ட் ஹயாத் ஹோட்டலில் ஆளுநருக்கு ஏற்பாடு செய்யப்பட்ட அதிகாரப்பூர்வ பிரியாவிடை விருந்தில் பங்கேற்றுப் பேசிய அவர், கேரள அரசு மற்றும் மக்களின் நன்றியை ஆளுநருக்குத் தெரிவித்தார். மேலும், அவரது புதிய முயற்சிகள் வெற்றியடைய வாழ்த்துகளையும் தெரிவித்தார்.

அரசுடன் இணைந்து செயல்பட்ட ஆளுநர்

ஆளுநர் ராஜேந்திர ஆர்லேகர், மாநில அரசுடன் இணைந்து செயல்பட முயற்சி மேற்கொண்டவர் என்று உள்துறை அமைச்சர் ரமேஷ் சென்னித்தலா தெரிவித்தார். சாதாரண மக்களுடன் நெருக்கமாகப் பழகிய ஆளுநர் என்றும், மக்களுடன் நேரடித் தொடர்பில் இருந்தவர் என்றும் சட்டப்பேரவைத் தலைவர் திருவஞ்சூர் ராதாகிருஷ்ணன் பாராட்டினார்.

மக்களின் அன்புக்கு நன்றி தெரிவித்த ஆளுநர்

இதற்குப் பதிலளித்துப் பேசிய ஆளுநர் ராஜேந்திர விஸ்வநாத் ஆர்லேகர், கேரள மக்கள் தமக்கு வழங்கிய அன்பையும் ஆதரவையும் அவர்களுக்குத் திருப்பிக் கொடுப்பதையே தாம் செய்ததாகக் குறிப்பிட்டார்.

இந்த நிகழ்ச்சியில் முதலமைச்சர் வி.டி. சதீசன், ஆளுநருக்கு கேரள அரசின் சார்பில் மரியாதை செலுத்தினார்.

அமைச்சர்கள் சன்னி ஜோசப், பிந்து கிருஷ்ணா, அனூப் ஜேக்கப், எம். லிஜு, சட்டமன்ற உறுப்பினர்கள் எம். வின்சென்ட், வி. முரளீதரன், சுதீர்ஷா பாலோடு, மேயர் வி.வி. ராஜேஷ், கூடுதல் தலைமைச் செயலாளர்கள் மின்ஹாஜ் ஆலம், ஏ.பி.எம். முகமது ஹனீஷ், காவல்துறை தலைமை இயக்குநர் ரவாடா சந்திரசேகர், கூடுதல் காவல்துறை தலைமை இயக்குநர் பி. விஜயன், பொது நிர்வாகத் துறை முதன்மைச் செயலாளர் டாக்டர் பி. அசோக் உள்ளிட்டோர் பங்கேற்றனர்.

மேலும், மூத்த ஐஏஎஸ் அதிகாரிகள், ஆளுநரின் பணியாளர்கள் மற்றும் அரசு நெறிமுறைப் பிரிவு அதிகாரிகளும் இந்தப் பிரியாவிடை விருந்தில் கலந்துகொண்டனர்.