மருது சகோதரர்களின் நினைவு நாள்: முதல்வர் விஜய் வீரவணக்கம்!

‘ஜம்புத் தீவு பிரகடனம் மூலம் விடுதலை உணர்வை விதைத்த வீரர்களின் வரலாறு தலைமுறைகளைக் கடந்தும் நிலைக்கட்டும்’ – முதல்வர் புகழாரம்

சென்னை: தாய்நாட்டின் விடுதலைக்காகத் தங்கள் இன்னுயிரைத் தியாகம் செய்த சிவகங்கைச் சீமையை ஆண்ட மருது சகோதரர்களின் நினைவு நாளையொட்டி, தமிழ்நாடு முதலமைச்சர் சி. ஜோசப் விஜய் அவர்களின் வீரத்தையும் தியாகத்தையும் போற்றி வீரவணக்கம் செலுத்தியுள்ளார்.

இதுகுறித்து அவர் வெளியிட்டுள்ள செய்தியில், ஆங்கிலேய ஆதிக்கத்தை எதிர்த்து நாட்டின் விடுதலைக்காகப் போராடிய மருது சகோதரர்களின் அர்ப்பணிப்பு போற்றுதலுக்குரியது என்று குறிப்பிட்டுள்ளார்.

இந்தியாவின் முதல் சுதந்திரப் போருக்கு முன்னதாகவே, ஆங்கிலேய ஆட்சிக்கு எதிராக மக்களை ஒன்றிணைத்து விடுதலை உணர்வைத் தூண்டும் வகையில் ‘ஜம்புத் தீவு பிரகடனத்தை’ வெளியிட்டுப் போராடிய மருது சகோதரர்களின் பங்களிப்பையும் அவர் நினைவுகூர்ந்துள்ளார்.

தமிழ் மண்ணில் விடுதலை உணர்வை விதைத்த மருது சகோதரர்களின் வீர வரலாறு தலைமுறைகளைக் கடந்தும் நிலைத்திருக்க வேண்டும் என்றும் முதலமைச்சர் தனது செய்தியில் தெரிவித்துள்ளார்.