நல்லம்பள்ளியில் பெண்களின் உள்ளாடைகளை திருடும் மர்ம நபர்! இரவு நேரங்களில் குடியிருப்பு பகுதியில் சுற்றித்திரிவதாக புகார் – சிசிடிவி காட்சிகளால் பொதுமக்கள் அதிர்ச்சி

நல்லம்பள்ளி:

தருமபுரி மாவட்டம், நல்லம்பள்ளி வட்டம், எர்ரப்பட்டி கிராமத்தில் பெட்ரோல் பங்க் பின்புறம் உள்ள குடியிருப்பு பகுதியில், இரவு நேரங்களில் வீடுகளுக்கு வெளியே காயவைக்கப்பட்டிருந்த பெண்களின் உள்ளாடைகளை மர்ம நபர் திருடிச் செல்வதாக கூறப்படும் சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது.

குடியிருப்பு பகுதியில் உள்ள வீடுகளில் காயவைக்கப்பட்டிருந்த பெண்களின் ஆடைகளை அந்த நபர் எடுத்துச் செல்வதும், அவற்றை அணிந்து பார்ப்பதும், பின்னர் திருடிச் செல்வதும் அப்பகுதியில் பொருத்தப்பட்டிருந்த சிசிடிவி கேமராவில் பதிவாகியுள்ளதாக பொதுமக்கள் தெரிவித்துள்ளனர்.

இரவு நேரங்களில் வீடுகளை நோட்டமிடுவதாக புகார்

மேலும், சம்பந்தப்பட்ட மர்ம நபர் இரவு நேரங்களில் குடியிருப்பு பகுதிகளில் சுற்றித்திரிந்து, வீடுகளை நோட்டமிட்டு வருவதாகவும் அப்பகுதி மக்கள் குற்றம்சாட்டுகின்றனர்.

இதனால், குறிப்பாக பெண்கள் மற்றும் குழந்தைகளின் பாதுகாப்பு குறித்து பொதுமக்களிடையே அச்சம் ஏற்பட்டுள்ளது. இரவு நேரங்களில் மர்ம நபர் நடமாட்டம் இருப்பதாக கூறப்படுவதால், குடியிருப்பு பகுதியில் போலீசார் கண்காணிப்பை தீவிரப்படுத்த வேண்டும் என மக்கள் கோரிக்கை விடுத்துள்ளனர்.

போலீசார் நடவடிக்கை எடுக்க கோரிக்கை

பெண்களின் ஆடைகளை திருடிச் செல்வதாக கூறப்படும் நபரை சிசிடிவி காட்சிகளின் அடிப்படையில் அடையாளம் கண்டு, அவரிடம் விசாரணை நடத்தி உரிய சட்ட நடவடிக்கை எடுக்க வேண்டும் என எர்ரப்பட்டி கிராம மக்கள் போலீசாரிடம் கோரிக்கை விடுத்துள்ளனர்.

இந்த சம்பவம் தொடர்பாக போலீசார் விசாரணை மேற்கொண்டு, அப்பகுதி மக்களின் பாதுகாப்பை உறுதி செய்ய நடவடிக்கை எடுக்க வேண்டும் என்பதே பொதுமக்களின் எதிர்பார்ப்பாக உள்ளது.