வ.ஊ.சிதம்பரனார் 155-வது ஜெயந்தி விழா: சத்தியமங்கலத்தில் தவெக நிர்வாகிகள் மற்றும் எம்.எல்.ஏ மரியாதை!

சத்தியமங்கலம்:

ஈரோடு மாவட்டம் சத்தியமங்கலத்தில் கப்பலோட்டிய தமிழன் வ.ஊ.சிதம்பரனாரின் 155-வது ஜெயந்தி விழா இன்று எழுச்சியுடன் நடைபெற்றது.

சத்தியமங்கலம் பழைய பேருந்து நிலையம் முன்பு நடைபெற்ற நிகழ்ச்சிக்கு பவானிசாகர் சட்டமன்ற உறுப்பினர் வே.பெ. தமிழ்ச்செல்வி தலைமை தாங்கினார். வ.ஊ.சிதம்பரனாரின் அலங்கரிக்கப்பட்ட உருவப்படத்திற்கு மலர் தூவி, மாலை அணிவித்து மரியாதை செலுத்தினார்.

இந்த நிகழ்வில் தமிழக வெற்றிக் கழகத்தின் உள்ளூர் நிர்வாகிகள் மற்றும் தொண்டர்கள் திரளாகப் பங்கேற்று, வ.ஊ.சிதம்பரனாருக்கு வீரவணக்கம் செலுத்தினர்.

மேலும், சத்தியமங்கலம் வ.ஊ.சி. பேரவையினர் மற்றும் அப்பகுதி பொதுமக்களும் கலந்து கொண்டு, நாட்டின் விடுதலைக்காக போராடிய வ.ஊ.சிதம்பரனாரின் தியாகத்தை நினைவுகூர்ந்து மரியாதை செலுத்தினர்.

சுதந்திரப் போராட்ட வீரரின் தியாகத்தை போற்றுவோம்… அவரது தேசப்பற்றை தலைமுறைகளுக்கு கொண்டு செல்வோம்! என்ற உணர்வுடன் விழா நிறைவடைந்தது.