எறும்பூர் மாரியம்மன் கோவில் திருப்பணிக்கு ரூ.3 லட்சம் நன்கொடை – தவெக ஒன்றிய செயலாளர் தமிழ்ச்செல்வன் வழங்கினார்.

திருவண்ணாமலை:

திருவண்ணாமலை மாவட்டம், வந்தவாசி தொகுதிக்குட்பட்ட எறும்பூர் கிராமத்தில் அமைந்துள்ள ஶ்ரீ மூதா மாரியம்மன் கோவில் கட்டுமானப் பணிகள் நடைபெற்று வருகின்றன.

கோவில் திருப்பணி மற்றும் கிராம பொதுமக்களுக்கு உதவும் வகையில், தமிழக வெற்றிக் கழகத்தின் திருவண்ணாமலை கிழக்கு மாவட்டம், மழையூர் வடக்கு ஒன்றிய செயலாளர் கே. தமிழ்ச்செல்வன் மற்றும் அவரது மனைவி டி. கவிபிரியா ஆகியோர் குடும்பத்துடன் கோவிலுக்கு வருகை தந்தனர்.

ரூ.3 லட்சம் ரொக்க நன்கொடை

அப்போது, நடைபெற்று வரும் கோவில் திருப்பணிக்கு உதவும் வகையில், ரூ.3 லட்சம் ரொக்கப் பணத்தை திருப்பணி குழுவினரிடம் நன்கொடையாக வழங்கினர்.

கோவில் கட்டுமானப் பணிகளுக்கு தங்களால் இயன்ற பங்களிப்பை வழங்கிய ஒன்றிய செயலாளர் தமிழ்ச்செல்வன் மற்றும் அவரது குடும்பத்தினருக்கு திருப்பணி குழுவினர் நன்றி தெரிவித்தனர்.

மாலை அணிவித்து மரியாதை

நன்கொடை வழங்கியதைத் தொடர்ந்து, திருப்பணி குழுவினர் சார்பில் தவெக ஒன்றிய செயலாளர் கே. தமிழ்ச்செல்வனுக்கு மாலை அணிவித்து மரியாதை செலுத்தப்பட்டது.

இந்த நிகழ்வில் தமிழக வெற்றிக் கழக நிர்வாகிகள் மற்றும் எறும்பூர் கிராம பொதுமக்கள் உள்ளிட்டோர் உடனிருந்தனர்.

கோவில் திருப்பணி மற்றும் கிராம மக்களின் நலனுக்காக வழங்கப்பட்ட இந்த நன்கொடை அப்பகுதி மக்களிடையே வரவேற்பை பெற்றுள்ளது.