தமிழக வெற்றிக்குரல் தேன்கனிக்கோட்டை அண்ணா நகரில் 3 மாதங்களாகச் சரிசெய்யப்படாத குடிநீர் குழாய்! வீணாகும் தண்ணீர்; பொதுமக்கள் அவதி!
By
News Desk
கிருஷ்ணகிரி: கிருஷ்ணகிரி மாவட்டம், தேன்கனிக்கோட்டை அருகே உள்ள அண்ணா நகரில் உடைந்த குடிநீர் குழாய் மூன்று மாதங்களாகச் சரிசெய்யப்படாமல் இருப்பதால், அப்பகுதி மக்கள் கடும் அவதிக்குள்ளாகி வருகின்றனர்.
சாலையில் பெருக்கெடுத்து ஓடும் குடிநீர்
குடிநீர் குழாய் உடைந்ததால் தண்ணீர் வீணாகச் சாலையில் பெருக்கெடுத்து ஓடுகிறது. இதனால் சிறுவர்கள், பெரியவர்கள் மற்றும் பள்ளிக்குச் செல்லும் மாணவர்கள் சாலையில் செல்வதற்குச் சிரமப்படுவதாகப் பொதுமக்கள் வேதனை தெரிவிக்கின்றனர்.
நிதி இல்லை என அதிகாரிகள் தெரிவித்ததாகப் புகார்
இதுகுறித்து சம்பந்தப்பட்ட அதிகாரிகளிடம் பொதுமக்கள் முறையிட்டு, உடைந்த குழாயைச் சரிசெய்யக் கோரிக்கை விடுத்துள்ளனர். அப்போது, இதற்கெனத் தனியாக நிதி ஒதுக்கப்படாததால் குழாயைச் சரிசெய்ய முடியாது என அதிகாரிகள் தெரிவித்ததாகப் பொதுமக்கள் கூறுகின்றனர்.
உடனடியாகச் சீரமைக்கக் கோரிக்கை
உடைந்த குடிநீர் குழாயில் இரண்டு கேட் வால்வுகளைப் பொருத்தி, நீர்க்கசிவை உடனடியாகச் சரிசெய்ய வேண்டும் என அப்பகுதி மக்கள் கோரிக்கை விடுத்துள்ளனர். மூன்று மாதங்களாக நீடிக்கும் இப்பிரச்சினைக்கு அதிகாரிகள் விரைந்து தீர்வு காண வேண்டும் என்பதே பொதுமக்களின் எதிர்பார்ப்பாக உள்ளது.
