ஸ்ரீமுஷ்ணத்தில் விவசாயிகள் பயிற்சி முகாம்! ஜே.எஸ்.ஏ. கல்லூரி மாணவிகள் பங்கேற்பு!

கடலூர்: கடலூர் மாவட்டம், ஸ்ரீமுஷ்ணம் வட்டாரத்தில் வேளாண்மைத்துறை மற்றும் வேளாண்மைத் தொழில்நுட்ப மேலாண்மை முகமை சார்பில், “Khet Bachao Abhiyan” என்ற பெயரில் விவசாயிகள் பயிற்சி மற்றும் விழிப்புணர்வு முகாம் நடைபெற்றது.

விவசாயிகளுக்கு அரசு திட்டங்கள் குறித்து விளக்கம்

மாவட்ட ஆட்சியர் சி.பி. ஆதித்யா செந்தில்குமார் தலைமையில் நடைபெற்ற இம்முகாமில், விவசாயிகளுக்கு அரசின் வேளாண் திட்டங்கள், மானிய உதவிகள் மற்றும் வேளாண்மை சார்ந்த விழிப்புணர்வுத் தகவல்கள் குறித்து விளக்கமளிக்கப்பட்டன. மேலும், விவசாயிகளுடன் கலந்துரையாடிய மாவட்ட ஆட்சியர், அவர்களின் தேவைகள் மற்றும் வேளாண்மை சார்ந்த கருத்துகளைக் கேட்டறிந்தார்.

கிராமப்புற வேளாண்மைப் பணி அனுபவத் திட்ட மாணவிகள் பங்கேற்பு

ஜே.எஸ்.ஏ. வேளாண்மை மற்றும் தொழில்நுட்பக் கல்லூரி முதல்வர் வி. அம்பேத்கர், துணை முதல்வரும் திட்டப் பொறுப்பாளருமான எஸ். வேல்பிரபாகரன், திட்டப் பொறுப்பாளர் ஆர். ஜீவநதியால் மற்றும் ஆண்டு ஒருங்கிணைப்பாளர் எஸ். ஆஷா பிரியங்கா ஆகியோரின் வழிகாட்டுதலின்படி, கல்லூரியின் நான்காம் ஆண்டு கிராமப்புற வேளாண்மைப் பணி அனுபவத் திட்ட மாணவிகளான தேசிகா மற்றும் ஹரிதா ஆகியோர் இம்முகாமில் பங்கேற்றனர்.

வேளாண் செயல்பாடுகள் குறித்து நேரடி அனுபவம்

முகாமில் விவசாயிகள் மற்றும் வேளாண்மைத்துறை அலுவலர்களுடன் கலந்துரையாடிய மாணவிகள், அரசின் வேளாண் திட்டங்கள், மானிய உதவிகள் மற்றும் விவசாயிகளுக்கான விழிப்புணர்வு நடவடிக்கைகள் குறித்து நேரடி அனுபவத்தைப் பெற்றனர்.

இந்தப் பயிற்சி முகாம், வேளாண்மைத்துறையின் செயல்பாடுகளைப் புரிந்துகொள்ளவும், விவசாயிகளின் தேவைகளை நேரடியாக அறிந்துகொள்ளவும் மாணவிகளுக்குப் பயனுள்ளதாக அமைந்தது.