தமிழக வெற்றிக்குரல் வாணியம்பாடி அருகே அரசு பள்ளியில் 1,000 மரக்கன்றுகள் நடும் விழா!
By
திருப்பத்தூர்: திருப்பத்தூர் மாவட்டம், வாணியம்பாடி அருகே அம்பலூர் ஊராட்சி அரசு மேல்நிலைப் பள்ளியில் 1,000 மரக்கன்றுகள் நடும் விழா நடைபெற்றது. இதில் மாவட்ட ஆட்சியர் வே. நல்லசிவன் சிறப்பு அழைப்பாளராகக் கலந்து கொண்டு மரக்கன்றுகள் நடும் பணியைத் தொடங்கி வைத்தார்.
சுற்றுச்சூழல் பாதுகாப்பு மற்றும் பசுமைப் பரப்பை அதிகரிக்கும் நோக்கில் நடைபெற்ற இந்நிகழ்ச்சியில், மாவட்ட ஊரக வளர்ச்சி முகமைத் திட்ட இயக்குநர் சௌ. தமிழரசி, ஊராட்சி மன்றத் தலைவர் ஏ.பி. முருகேசன், பள்ளித் தலைமை ஆசிரியர் சி. எட்வர்டு ராஜ்குமார் ஆகியோர் கலந்து கொண்டனர்.
மேலும், ஊர் பொதுமக்கள், பள்ளி ஆசிரியர்கள் மற்றும் மாணவர்கள் எனப் பலரும் பங்கேற்றனர்.
மரக்கன்றுகளை நட்டு முறையாகப் பராமரித்து வளர்ப்பதன் மூலம் பசுமையான சுற்றுச்சூழலை உருவாக்க முடியும் என்பதால், இத்தகைய முயற்சிகள் முக்கியத்துவம் பெறுகின்றன.
