சமூகநீதி நாள் உறுதிமொழி: தலைமைச் செயலகத்தில் முதல்வர் விஜய் தலைமையில் நிகழ்ச்சி.

சென்னை தலைமைச் செயலகத்தில் சமூகநீதி நாள் உறுதிமொழி ஏற்பு நிகழ்ச்சி நடைபெற்றது. தந்தை பெரியாரின் பிறந்தநாளை முன்னிட்டு சமூகநீதி நாள் கடைப்பிடிக்கப்பட்ட நிலையில், நடைபெற்ற இந்த நிகழ்ச்சியில் தமிழ்நாடு முதல்வர் சி. ஜோசப் விஜய் கலந்து கொண்டு சமூகநீதி நாள் உறுதிமொழியை ஏற்றுக்கொண்டார். முன்னதாக, தலைமைச் செயலகத்தில் வைக்கப்பட்டிருந்த தந்தை பெரியாரின் திருவுருவப் படத்திற்கு முதல்வர் விஜய் மலர் தூவி மரியாதை செலுத்தினார்.

இதனைத் தொடர்ந்து, முதல்வர் விஜய் உறுதிமொழியை வாசிக்க, அமைச்சர்கள், பல்வேறு துறைகளின் செயலர்கள் மற்றும் அரசு அதிகாரிகள் உள்ளிட்டோர் அவருடன் இணைந்து உறுதிமொழி ஏற்றுக்கொண்டனர். உறுதிமொழியின்போது, “பிறப்பொக்கும் எல்லா உயிர்க்கும்” என்ற அன்பு நெறியையும், “யாதும் ஊரே யாவரும் கேளிர்” என்ற உயரிய நெறியையும் வாழ்வியல் கொள்கையாகக் கடைப்பிடிப்பதாக உறுதி தெரிவிக்கப்பட்டது.

மேலும், பகுத்தறிவு மற்றும் அறிவார்ந்த சிந்தனையை அடிப்படையாகக் கொண்டு செயல்படுவதுடன், சமத்துவம், சகோதரத்துவம், சமதர்மம் ஆகிய கொள்கைகளுக்காக பாடுபடுவதாகவும் உறுதிமொழியில் தெரிவிக்கப்பட்டது. அனைவருக்கும் சம உரிமையும் சம வாய்ப்பும் கிடைக்கும் வகையில் சமூகநீதியை அடிப்படையாகக் கொண்ட சமுதாயத்தை உருவாக்க பாடுபடுவதாகவும் உறுதி ஏற்கப்பட்டது.

மனிதநேயம் மற்றும் மனிதாபிமானத்தை முன்னிறுத்தி செயல்படுவோம் என்ற உறுதியும் நிகழ்ச்சியில் எடுத்துக்கொள்ளப்பட்டது. தலைமைச் செயலகத்தில் நடைபெற்ற இந்த நிகழ்ச்சியில் அமைச்சர்கள், துறை செயலர்கள் மற்றும் அரசு அதிகாரிகள் உள்ளிட்டோர் கலந்து கொண்டனர். தந்தை பெரியாரின் பிறந்தநாளை முன்னிட்டு நடைபெற்ற சமூகநீதி நாள் நிகழ்ச்சி, சமத்துவம் மற்றும் சமூகநீதியின் முக்கியத்துவத்தை வலியுறுத்தும் வகையில் அமைந்தது.