கூடலூர் ஓவேலியில் 2 பேரின் உயிரிழப்புக்கு காரணமான புலி பிடிபட்டது!

மாண்புமிகு முதலமைச்சர் திரு. சி. ஜோசப் விஜய் அவர்களின் வழிகாட்டுதலின் பேரில், கூடலூர் ஓ'வேலி பகுதியில் இரண்டு பேரின் உயிரிழப்புக்குக் காரணமான புலி, இன்று வனத்துறையினரால் வெற்றிகரமாகப் பிடிக்கப்பட்டது.

​கடந்த ஆகஸ்ட் 24-ம் தேதி சட்டமன்றத்தில் இந்த புலியைப் பிடிப்பதாக… pic.twitter.com/lIM3A4k7Al

— RV Ranjithkumar (@RvRanjithtvk) September 18, 2026

கடந்த ஆகஸ்ட் 24-ஆம் தேதி சட்டப்பேரவையில் புலியைப் பிடிப்பதாக உறுதியளித்ததாகவும், தொடர்ந்து மேற்கொள்ளப்பட்ட நடவடிக்கைகளின் மூலம் அந்த உறுதிமொழி நிறைவேற்றப்பட்டுள்ளதாகவும் ரஞ்சித்குமார் தெரிவித்துள்ளார்.

மேலும், கடந்த செப்டம்பர் 11-ஆம் தேதி ஓவேலி களப்பகுதிக்கு நேரில் சென்று நடவடிக்கைகளை ஆய்வு செய்ததாகவும், களப்பணியில் ஈடுபட்டிருந்த குழுவினருடன் ஆலோசனை நடத்தி தேவையான வசதிகள் தடையின்றி கிடைப்பதை உறுதி செய்ததாகவும் அவர் கூறியுள்ளார்.

இந்த நடவடிக்கையில் ஒருங்கிணைந்து செயல்பட்ட வனத்துறை அதிகாரிகள், மாவட்ட நிர்வாகம், வனத்துறைப் பணியாளர்கள் மற்றும் கால்நடை மருத்துவக் குழுவினருக்கு அமைச்சர் ரஞ்சித்குமார் நன்றி தெரிவித்துள்ளார்.

ஓவேலி பகுதியில் இரண்டு உயிரிழப்புகளுக்குப் பின்னர் பல நாட்களாக நீடித்து வந்த புலியைப் பிடிக்கும் நடவடிக்கை தற்போது முடிவுக்கு வந்துள்ளதாக இந்த தகவல் தெரிவிக்கிறது.