இராமநாதபுரம் அரண்மனையில் அமைச்சர் CTR நிர்மல் குமார்! சேதுபதி குடும்பத்தினருடன் நேரில் சந்திப்பு.

இராமநாதபுரம் மாவட்டத்தில் உள்ள புகழ்பெற்ற சேதுபதி ராஜா அரண்மனைக்கு அமைச்சர் CTR நிர்மல் குமார் நேரில் சென்று, சேதுபதி குடும்பத்தின் வாரிசான நாகேந்திர சேதுபதி மற்றும் அவரது மனைவி லட்சுமி நாச்சியார் உள்ளிட்ட குடும்பத்தினரை சந்தித்து கலந்துரையாடியதாக தெரிவிக்கப்பட்டுள்ளது.

இந்த சந்திப்பின்போது சேதுபதி குடும்பத்தினருடன் அமைச்சர் பல்வேறு விஷயங்கள் குறித்து கலந்துரையாடியதாக கூறப்படுகிறது. குடும்பத்தினரும் அமைச்சரை வரவேற்று சந்திப்பில் பங்கேற்றனர். அமைச்சர் CTR நிர்மல் குமார், மதுரை மாவட்டம் உசிலம்பட்டி வட்டாரத்தைச் சேர்ந்த முதலைக்குளம் கிராமத்தைச் சேர்ந்தவர் என்பது குறிப்பிடத்தக்கது.

வரலாற்று முக்கியத்துவம் வாய்ந்த சேதுபதி மரபுடன் தொடர்புடைய அரண்மனைக்கு அமைச்சர் நேரில் சென்றது அப்பகுதியில் கவனத்தை ஈர்த்துள்ளது.