ஓமனில் வேலைவாய்ப்பு: 22 முதல் 35 வயது ஆண்களுக்கு மாதம் ரூ.54 ஆயிரம் வரை சம்பளம்.

வெளிநாட்டில் வேலைவாய்ப்பு பெற விரும்பும் தமிழக இளைஞர்களுக்கு புதிய வாய்ப்பு அறிவிக்கப்பட்டுள்ளது. ஓமன் நாட்டில் Production, Finishing & Inspection மற்றும் Maintenance பணிகளுக்கு ஆண் பணியாளர்கள் தேவைப்படுவதாக அயல்நாட்டு வேலைவாய்ப்பு நிறுவனம் சார்பில் அறிவிக்கப்பட்டுள்ளது.

தமிழ்நாடு அரசின் அயல்நாட்டு வேலைவாய்ப்பு நிறுவனத்தின் மூலம் இந்த வேலைவாய்ப்பு அறிவிப்பு வெளியிடப்பட்டுள்ளது.

என்னென்ன பணிகளுக்கு ஆட்கள் தேவை?

ஓமன் நாட்டில் உள்ள நிறுவனங்களில் பின்வரும் பணிகளுக்கு ஆட்கள் தேர்வு செய்யப்பட உள்ளனர்:

• Production – Melting / Moulding / Process Control & CNC Operator
• Finishing & Inspection – Quality / Final Inspection
• Maintenance – Mechanical / Electrical Maintenance

மேற்கண்ட பணிகளுக்கு தொடர்புடைய துறைகளில் முன் அனுபவம் உள்ள ஆண் பணியாளர்கள் விண்ணப்பிக்கலாம் என தெரிவிக்கப்பட்டுள்ளது.

வயது மற்றும் கல்வித் தகுதி

விண்ணப்பதாரர்கள் 22 முதல் 35 வயதுக்குள் இருக்க வேண்டும்.

மேலும், Foundry அல்லது Manufacturing Industries பிரிவில் Diploma அல்லது ITI கல்வித் தகுதி பெற்றிருக்க வேண்டும். சம்பந்தப்பட்ட பணிகளில் குறைந்தபட்சம் 2 ஆண்டுகள் பணி அனுபவம் உள்ளவர்களுக்கு இந்த வேலைவாய்ப்பு வாய்ப்பு வழங்கப்பட உள்ளது.

மாதம் ரூ.54 ஆயிரம் வரை சம்பளம்

தேர்வு செய்யப்படும் பணியாளர்களுக்கு மாதம் ரூ.44,000 முதல் ரூ.54,000 வரை ஊதியம் வழங்கப்படும் என அறிவிக்கப்பட்டுள்ளது.

இதனுடன், வேலை வழங்கும் நிறுவனத்தின் சார்பில் உணவு, விசா, தங்குமிடம் மற்றும் விமானப் பயணச்சீட்டு உள்ளிட்ட வசதிகளும் வழங்கப்படும் என தெரிவிக்கப்பட்டுள்ளது.

விண்ணப்பிக்க வேண்டிய கடைசி தேதி

இந்த வேலைவாய்ப்புக்கு விண்ணப்பிக்க விரும்புபவர்கள் தங்களது Resume, Qualification Certificate, Experience Certificate, Passport Copy மற்றும் Photo ஆகிய ஆவணங்களுடன் விண்ணப்பிக்க வேண்டும்.

விண்ணப்பங்களை 11.10.2026 தேதிக்குள் அனுப்ப வேண்டும் என அறிவுறுத்தப்பட்டுள்ளது.

விண்ணப்பதாரர்கள் தங்களது சுயவிவரத்தை ovemclnm@gmail.com என்ற மின்னஞ்சல் முகவரிக்கு அனுப்பலாம் என தெரிவிக்கப்பட்டுள்ளது.

தொடர்புக்கு

மேலும் விவரங்களுக்கு தமிழ்நாடு அரசின் அயல்நாட்டு வேலைவாய்ப்பு நிறுவனத்தை தொடர்புகொள்ளலாம்.

இணையதளம்: www.omcmanpower.tn.gov.in

தொலைபேசி: 044-22502267
வாட்ஸ்அப்: 9566239685

ஓமன் நாட்டில் வேலைவாய்ப்பு பெற விரும்பும் தகுதியான இளைஞர்கள், அறிவிப்பில் குறிப்பிடப்பட்டுள்ள கல்வி மற்றும் பணி அனுபவத் தகுதிகளை சரிபார்த்து, உரிய ஆவணங்களுடன் குறிப்பிட்ட காலக்கெடுவுக்குள் விண்ணப்பிக்கலாம்.