வேடசந்தூரில் உயிரை மாய்த்துக்கொண்ட இளம்பெண்; குடும்பப் பிரச்சனையா? போலீசார் விசாரணை!

வேடசந்தூர், திண்டுக்கல்:

திண்டுக்கல் மாவட்டம் வேடசந்தூர் சந்தைபேட்டை பகுதியைச் சேர்ந்தவர் கோபிநாதன். இவரது மனைவி அபிராமி. கணவன், மனைவி இடையே குடும்பப் பிரச்சனை இருந்து வந்ததாக கூறப்படுகிறது. இந்நிலையில், சம்பவத்தன்று நள்ளிரவு வீட்டில் இருந்த அபிராமி, சேலையால் தூக்கிட்டு உயிரை மாய்த்துக்கொண்டதாக கூறப்படுகிறது. இதனை அறிந்த குடும்பத்தினர் அதிர்ச்சியடைந்தனர்.

இதுகுறித்து தகவல் அறிந்த வேடசந்தூர் போலீசார் உடனடியாக சம்பவ இடத்திற்கு சென்று விசாரணை மேற்கொண்டனர். பின்னர் அபிராமியின் உடலை மீட்டு, உடற்கூறு ஆய்வுக்காக அரசு மருத்துவமனைக்கு அனுப்பி வைத்தனர்.

இந்த சம்பவம் தொடர்பாக வேடசந்தூர் போலீசார் வழக்குப்பதிவு செய்து விசாரணை நடத்தி வருகின்றனர். குடும்பப் பிரச்சனை காரணமாகவே அபிராமி இந்த முடிவை எடுத்தாரா அல்லது வேறு ஏதேனும் காரணம் உள்ளதா என்பது குறித்து போலீசார் விசாரணை மேற்கொண்டு வருகின்றனர். இச்சம்பவம் வேடசந்தூர் சந்தைபேட்டை பகுதியில் சோகத்தை ஏற்படுத்தியுள்ளது.

தற்கொலை தடுப்பு விழிப்புணர்வு

குடும்பப் பிரச்சனை, மன அழுத்தம் உள்ளிட்ட காரணங்களால் மனதளவில் பாதிக்கப்படும் நபர்கள் தனிமையில் இருக்காமல், நம்பிக்கைக்குரிய குடும்பத்தினர், நண்பர்கள் அல்லது தகுதியான மனநல நிபுணர்களிடம் தங்களது பிரச்சனைகளைப் பகிர்ந்து கொள்ள வேண்டும். வாழ்க்கையில் ஏற்படும் சிக்கல்களுக்கு உதவி மற்றும் ஆலோசனை பெறுவது முக்கியம்.

உங்களுக்கோ அல்லது உங்களுக்கு தெரிந்தவருக்கோ தற்கொலை எண்ணங்கள் இருந்தால், உடனடியாக அருகிலுள்ள மருத்துவமனை அல்லது மனநல மருத்துவ நிபுணரை அணுகுங்கள். இந்தியாவில் Tele-MANAS 14416 என்ற இலவச மனநல உதவி எண்ணையும் தொடர்புகொள்ளலாம்.