திண்டுக்கல் மாவட்டத்தில் குற்றத் தடுப்பு நடவடிக்கைகள்: சிறப்பாகச் செயல்பட்ட காவல் அதிகாரிகளுக்குப் பாராட்டுச் சான்றிதழ்!

திண்டுக்கல்: திண்டுக்கல் மாவட்டத்தில் கொலை, கொள்ளை, சட்டவிரோத மது விற்பனை, கஞ்சா மற்றும் குட்கா உள்ளிட்ட குற்றங்களைத் தடுப்பதில் சிறப்பாகவும், துரிதமாகவும் செயல்பட்ட காவல் துறை அதிகாரிகளுக்குப் பாராட்டுச் சான்றிதழ்கள் வழங்கப்பட்டன.

காவல் அதிகாரிகளுக்கு எஸ்.பி. பாராட்டு!

திண்டுக்கல் மாவட்டம், சிலபாடி ஆயுதப்படை மைதானத்தில் உள்ள பழனி மகாலில் நடைபெற்ற நிகழ்ச்சியில், மாவட்டக் காவல் கண்காணிப்பாளர் ஜெயக்குமார், சிறப்பாகப் பணியாற்றிய காவல் துறை அதிகாரிகளுக்குப் பாராட்டுச் சான்றிதழ்களை வழங்கி வெகுவாகப் பாராட்டினார்.

பாராட்டுச் சான்றிதழ் பெற்ற அதிகாரிகள்!

இந்த நிகழ்ச்சியில், நிலக்கோட்டை டிஎஸ்பி இளஞ்செழியன், வேடசந்தூர் டிஎஸ்பி சுரேஷ் பாண்டியன், தனிப்பிரிவு காவல் ஆய்வாளர் முத்துப்பாண்டி, தாடிக்கொம்பு காவல் நிலைய ஆய்வாளர் சரவணன், எரியோடு காவல் நிலைய ஆய்வாளர் வினோதா உள்ளிட்ட காவல் அதிகாரிகளுக்குப் பாராட்டுச் சான்றிதழ்கள் வழங்கப்பட்டன.

மாவட்டத்தில் குற்றச் செயல்களைக் கட்டுப்படுத்தவும், சட்டவிரோத நடவடிக்கைகளுக்கு எதிராகத் துரிதமாகச் செயல்படவும் காவல் துறையினர் மேற்கொண்ட பணிகளைப் பாராட்டும் வகையில் இந்த நிகழ்ச்சி நடைபெற்றது.