ஊத்தங்கரையில் எம் எல் ஏ இளையராஜா முன்னிலையில் 100க்கும் மேற்பட்ட மாற்றுக் கட்சியினர் தங்களை த.வெ.கவில் இணைத்துக் கொண்டனர்

ஊத்தங்கரை:

கிருஷ்ணகிரி மாவட்டம், ஊத்தங்கரை பேரூராட்சிக்கு உட்பட்ட வெள்ளிச் சந்தை சாலையில் தமிழக வெற்றிக் கழகத்தில் புதிய உறுப்பினர்கள் இணையும் நிகழ்ச்சி மற்றும் நலத்திட்ட உதவிகள் வழங்கும் நிகழ்ச்சி நடைபெற்றது.

சட்டமன்ற உறுப்பினரும், தென்கிழக்கு மாவட்டச் செயலாளருமான டாக்டர் என். இளையராஜா முன்னிலையில் நடைபெற்ற இந்நிகழ்ச்சியில், எம்.எஸ்.எம். தோட்டம் சதீஷ்குமார் மற்றும் சுப்புராயன் ஆகியோர் ஏற்பாட்டில், 100-க்கும் மேற்பட்ட இளைஞர்கள் தமிழக வெற்றிக் கழகத்தில் இணைந்தனர்.

புதிதாகக் கட்சியில் இணைந்த இளைஞர்களுக்கு சட்டமன்ற உறுப்பினர் டாக்டர் என். இளையராஜா கட்சித் துண்டு அணிவித்து வரவேற்றார்.

இதனைத் தொடர்ந்து, நிகழ்ச்சியில் பங்கேற்ற 300-க்கும் மேற்பட்ட பெண்களுக்கு இலவசமாகச் சேலைகள் வழங்கப்பட்டன. மேலும், பொதுமக்களுக்கு உணவும் வழங்கப்பட்டது.

இந்நிகழ்ச்சியில் மாவட்டத் துணைச் செயலாளர் சித்திக், கீர்த்தனா, மாவட்டச் செயற்குழு உறுப்பினர்கள் கார்த்திகேயன், இப்ராஹிம், லோகநாதன், மணிகண்டன், பேரூர்க் கழகச் செயலாளர் ரமேஷ், ஊத்தங்கரை மத்திய ஒன்றியச் செயலாளர் ராமதுரை, தெற்கு ஒன்றியச் செயலாளர் தினேஷ் கண்ணன், கிழக்கு ஒன்றியச் செயலாளர் உமாபதி, மத்தூர் ஒன்றியக் கழகச் செயலாளர்கள் திருமூர்த்தி, சிவா, சக்தி மற்றும் பேரூர்க் கழக இணைச் செயலாளர் இறையன்பு உள்ளிட்ட நிர்வாகிகள் கலந்து கொண்டனர்.

புதிய உறுப்பினர்கள் கட்சியில் இணைந்த நிகழ்வுடன், பெண்களுக்கு இலவசச் சேலைகள் மற்றும் உணவு வழங்கப்பட்ட இந்நிகழ்ச்சி ஊத்தங்கரை பகுதியில் நடைபெற்றது.